عاوز تشترى تليفون ومحتار تشترى ايه لو معاك 1000 بس تعالي اقولك وانت اختار
1_ هاتف إنفينيكس هوت
التليفون دة يعتبر احلى تليفون بسعر اقل من 1000 جنيه شاشه التليفون 5 بوصه يعنى لو بتتصفح نت او العاب الشاشه هتقضى معاك الغرض زي الفل التليفون دة بخطين مساحته الداخليه 16 جيجا بس تقدر تذودها عادى لو جبت كارت ميموري
المعالج بتاع الهاتف رباعي النواه معالج جميل جدا هو فيه احسن منه بس بالسبه للفئه السعريه للتليفون فده معالج جميييل جدا والرامات 1 جيجا ودى هتشغلك اغلب الالعاب مش كل اللالعاب طبعا بس معظمها الكاميرا الخلفيه 5 ميجا بكسل والكاميرا الاماميه 2 ميجا بيكسل التليفون شغال بنظام اندرويد كيتكات بطاريه التلفون 2000 ميلي امبير اما بالنسبه لسعره فسعر التليفون 600 جنيه
2_ هاتف لينوفو A328
التليفون دة حقق نجاح كبير جدا خصوصا فى السوق المصري شاشه التليفون 4.5 بوصه بيجي بمعالج رباعي النواه ورمات 1 جيجا
شغال بنظام اندرويد كيت كات .. الذاكره الداخليه للجهاز 4 جيجا انا من وجهه نظرى شايفها صغيره جدا 4 جيجا بالنسبه كمان لحجم التطبيقات حاليا بس تقدر تزود الذاكره لحد 32 جيجا عن طريق الميموري كارد التليفون شغال بخطين وبيشتغل على شبكات الـ2G والــ3G .. الكاميرا الخلفيه 5 ميجا والكاميرا الاماميه 2 ميجا .. التليفون بيجي ببطاريه 2000 ميلي امبير
3_هاتف لوميا 535
الهاتف دة حقق نجاح كبير خصوصا لعشاق الويندوز فون وعشاق شركه مايكروسوفت امكانياته جميله جدا وسعره اجمل التليفون بشاشه 5 بوصه وبيشتغل بخطين مساحه التخزين الداخليه 8 جيجا بايت وممكن تذودها عن طريق اضافه كارت خارجي التليفون بيجي بمعالج رباعي النواه .. ورامات 1 جيجا ( ملحوظه نظام الويدوز فون اخف كتير عن نظام الاندرويد) لذالك الويندوز فون يعمل على اقل الامكانيات .. كاميرا اللوميا 535 الاماميه 5 ميجا بيكسل والخلفيه 5 ميجا بيكسل وطبعا مذودة بفلاش .. بطاريه التليفون 1905 ميللي امبير ويعمل على نظام ويندوز فون 8.1 وهيتم ترقيته الى نظام ويندوز 10
4_هاتف لينوفو A319
التليفون دة لينوفو A319 شبيه للى اتكلمنا عليه فى الاول اللينوفوA328 بس الــA319 اقل فى الامكانيات وارخص فى السعر كمان شاشه التليفون بحجم 4 بوصه .. وشغال بخطين .. ومساحه التخزين 4 جيجا ممكن تذودها بكارت ميموري خارجي .. المعالج بتاعه ثنائي النواه .. رمات التليفون 512 .. كاميرا التليفون الخلفيه 5 ميجا بيكسل والاماميه 2 ميجا بيكسل .. التليفون شغال بنظام اندرويد كيتكات .. البطاريه 1500 ميلي امبير ..(( الخلاصه للتليفون دة بالذات انت لو استخدامك خفيف انصحك تجيبه لانه سعرة مناسب جدااا اما لو استخدامك تقيل فـ انت تجيب اللى اتكلمنا عليه فى الاول احسن ))
5_هاتف لوميا 435
مره تانيه مع اللوميا وعشاق الويندوز فون ... التليفون دة بالنسبه برضو لامكانياته وسعره جمييل جدا جدا .. التليفون شاشته 4 بوصه .. شغال بخطين .. مساحته التخزينيه الداخليه 8 جيجا بايت قايله للزيادة لحد 32 جيجا بايت .. طبعا المعالج بتاعه ثنائى النواه .. ورامات الجاهز 1 جيجا .. يعمل على نظام ويندوز 8.1 ( غالبا التليفون دة مش هيتحدث لنظام ويندوز 10 )) ... بطاريه الجاهز 1560 ميللي امبير .... وطبعا زي ما قولت قبل كدة فيه ميزة فى نظام الويندوز فون انه يقدر يشتغل على اقل امكانيات بدون تهنيج ..
دة كان اقتراح للناس اللى حابه تجيب تليفون امكانيات معقوله بسعر اقل من 1000 جنيه
استنونا فى اقترحات تانيه
هذا النص هو مثال لنص يمكن أن يستبدل في نفس المساحة،هذا النص هو مثال لنص يمكن أن يستبدل في نفس المساحة
تحويل كودإخفاء محول الأكواد الإبتساماتإخفاء